നരേൻ നയാകനാകുന്ന ഏറ്റവും പുതിയ ചിത്രം 'ആത്മ'യുടെ ഫസ്റ്റ് ലുക്ക് പോസ്റ്റർ റിലീസായി. നടൻ ജയംരവി തന്റെ സോഷ്യൽ മീഡിയയിലൂടെയാണ് പോസറ്റർ റിലീസ് ചെയ്തത്. സുഗീതിന്റെ സംവിധാനത്തിൽ ഒരു മിസ്റ്ററി ത്രില്ലറായാണ് ചിത്രം ഒരുങ്ങുന്നത്. ഓട്ടിസം ബധിതനായ ചെറുപ്പക്കാരനായാണ് നേരൻ എത്തുന്നത്. വൈതി എന്നാണ് നരേന്റെ കഥാപാത്രത്തിന്റെ പേര്. തനിക്ക് വളരെ പ്രിയപ്പെട്ട ഒരു സിനിമയാണ് ആത്മ എന്നും, ഇതുവരെ അവതരിപ്പിച്ചതിൽ ഏറ്റവും വെല്ലുവിളി നിറഞ്ഞ കഥാപാത്രങ്ങളിൽ ഒന്നാണ് വൈതി എന്ന തന്റെ കഥാപാത്രമെന്നും നരേൻ പറയുന്നു.
താൻ താമസിക്കാൻ എത്തിയ വീട്ടിലെ മുറിയിൽ നിന്നും വ്യത്യസ്തമായ ഒരു സ്ത്രീ ശബ്ദം കേൾക്കാൻ തുടങ്ങുന്നതിനെ ചുറ്റിപ്പറ്റിയാണ് കഥ. താൻ കേൾക്കുന്ന ശബ്ദങ്ങൾക്ക് പിന്നാലെ കൂടുമ്പോൾ നിരവധി നിഗൂഢ രഹസ്യങ്ങൾ വെളിപ്പെടുന്നു. അപ്രതീക്ഷിതമായ വഴിത്തിരിവുകളിലൂടെ സഞ്ചരിക്കുകയും പ്രേക്ഷകന് മികച്ച തിയേറ്റർ എക്സ്പീരിയൻസ് സമ്മാനിക്കുകയും ചെയ്യുന്ന ത്രില്ലറാണ് 'ആത്മ' എന്നാണ് നിർമ്മാതാക്കൾ പറയുന്നത്.
ബൻസാലി പ്രൊജക്ടിൽ ആലിയ ഭട്ട്, രൺബീർ കപൂർ, വിക്കി കൗശാൽ; 'ലവ് ആൻഡ് വാർ' ഒരുങ്ങുന്നു
യുഎഇയിലെ കദ്രിസ് എന്റർടെയ്ൻമെന്റിന്റെ ബാനറിൽ നജീബ് കാദിരിയാണ് ചിത്രത്തിന്റെ നിർമ്മാണം. പ്രശസ്ത സംവിധായകൻ സുശീന്ദ്രനാണ് സിനിമയുടെ നിർമ്മാതാവ്. രാകേഷ് എൻ ശങ്കർ കഥയും തിരക്കഥയും ഒരുക്കുന്നു. 'ദില്ലുക്കു ദുഡ്ഡു 2' എന്ന ചിത്രത്തിലൂടെ ശ്രദ്ധേയയായ മലയാളി താരം ശ്രദ്ധ ശിവദാസാണ് ആത്മയിലെ നായിക. ബാല ശരവണൻ, കാളി വെങ്കട്ട്, കനിക, വിജയ് ജോണി തുടങ്ങി നിരവധി പ്രമുഖ താരങ്ങളും താരനിരയിൽ ഉൾപ്പെടുന്നു. ഫിലിപ്പിനോ താരങ്ങളായ ഷെറിസ് ഷീൻ അഗദും ക്രിസ്റ്റീൻ പെന്റിസിക്കോയും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
ദുബായിലാണ് ചിത്രീകരണം പൂർണമായി നടന്നത്. എക്സികുട്ടീവ് പ്രൊഡ്യൂസർ: ബദറുദ്ധീൻ പാണക്കാട്, ഡിഒപി : വിവേക് മേനോൻ, മ്യൂസിക് ഡയറക്ടർ: മാങ്ങൽ സുവർണൻ, ശശ്വത് സുനിൽ കുമാർ, സൗണ്ട് എഞ്ചിനീയർ : ഫസൽ എ ബക്കർ, കളറിസ്റ്റ് : ലിജു പ്രഭാകർ, കോസ്റ്റിയൂം ഡിസൈനർ : സരിതാ സുഗീത്, പ്രൊഡക്ഷൻ കൺട്രോളർ : ഹാരിസ് ദേശം, മേക്കപ്പ് : അമൽ, സൗണ്ട് ഡിസൈൻ : ഷിജിൻ മെൽവിൻ മാൻഹാത്തോൺ, അഭിഷേക് നായർ. ആത്മ ചിത്രത്തിന്റെ ഷൂട്ടിംഗ് പോസ്റ്റ് പ്രൊഡക്ഷൻ ജോലികൾ അതിവേഗം പുരോഗമിക്കുകയാണ്. ചിത്രത്തിന്റെ റിലീസ് തീയതിയുടെ ഔദ്യോഗിക പ്രഖ്യാപനം ഉടൻ ഉണ്ടാകും. പി ആർ ഒ പ്രതീഷ് ശേഖർ.